Marta Recepti

Потребни состојки:
– 3 јајца
– два портокали
– 200 грама брашно
– 150 грама шеќер
– 100 ml кисела павлака
– 100 грама путер
– 1 кесичка прашок за пециво
– шеќер во прав

Начин на подготовка:
Соединете ги шеќерот и јајцата додека ги матите со миксер. Постепено додавајте брашно кое е претходно измешано со прашокот за пециво, а потоа додајте ги и растопениот путер, рендана кора од портокал и киселата павлака. Штом смесата добро ќе се соедини, наполнете ги калапчињата. Потоа „мафините“ печете ги во рерна на температура од 180 степени, околу 20 минути. Направете „дупчиња“ со чепкалка во „врелите“ мафини, а потоа посипете со сок од портокал. Пред да ги послужите, може да ставите и шеќер во прав.