Грчки леб со маслинки

Posted by: Marta

October 13th, 2011 >> ПЕЦИВА, ПОГАЧИ, ПИТИ, ТЕСТА, ЛЕБОВИ,TEСТЕНИНИ

 Уште еден грчки рецепт од Катерина. Мора да го пробате лебов јас го јадев кај неа кога го месеше пред некој ден. Многу добро!

Потребно е:

700 гр брашно

2 лажички сол

25 гр свеж квасец

350 мл млака вода

5-6 лажици маслиново масло

180 гр маслинки, грубо исечкани

1 главица црвен кромид

2-3 лажички сечкано нане

Подготовка: Во чаша ставете ги квасецот, солта и малку од млаката вода да се растопи. Во длабок сад просејте го брашното, направете мала вдлабнатина во него и ставете ги квасецот, остатокот од водата и маслото. Прво, мешајте со лажица, па потоа со рака направете меко тесто. Покријте го со кујнска крпа и оставете двојно да се подигне. Кога ќе се подигне тестото, премесете го уште еднаш и развлечете го со сукало со димензии околу 20 см. Поделете го на две долгнавести парчиња. Врз секое парче ставете ги маслинките, ситно сечканиот кромид и нането. Завиткајте во ролат и оставете уште 30 минути да се подигне. Лепчињата ставете ги во тавче за печење и печете во рерна загреана на 220 целзиусови степени и печете околу 35-40 минути.

This entry was posted on Thursday, October 13th, 2011 at 14:36 and is filed under ПЕЦИВА, ПОГАЧИ, ПИТИ, ТЕСТА, ЛЕБОВИ,TEСТЕНИНИ. You can follow any responses to this entry through the RSS 2.0 feed. Both comments and pings are currently closed.

Comments are closed.